Во среда (24 мај) во Сплит ќе се одржат 32. Денови на македонска култура, во организација на Заедницата на Македонците во Република Хрватска и Македонското културно друштво „Македонија“ – Сплит.

Програмата која ќе се одржи во градскиот театар за млади „Прокуративе“ ќе започне во 18:30 часот со Свечена академија по повод Денот на Св. Кирил и Методиј. На 32. Денови на македонската култура ќе настапат Фолклорната и Пејачката секција на МКД „Македонија“, учениците кои учат Македонски јазик и култура по модел Ц од ОУ „Скалице“ од Сплит и клапата „Пријатели“. Модератор на манифестацијата ќе биде Милена Георгиевска, педагог и новинар. По официјалниот дел на програмата ќе има пригоден коктел на МКД „Македонија“.

Покровител на 32. Денови на македонската култура е Советот за национални малцинства на Република Хрватска.