За прв пат во историјата на ски спортовите во Македонија, нашата претставничка Ана Цветановска освои бодови на Светскиот куп кој се одржа на 17ти и 18ти декември во Давос – Швајцарија. Младата македонска скијачка Ана Цветановска на натпреварувањето на Светскиот куп во две дисциплини освои 18 бодови, со што ја издигна Македонија на 22то место на светската ранг листа.

Ова се први освоени бодови на македонски натпреварувач на Светски куп. Покрај Ана, учество зема и Ставре Јада кој исто така постигна одлични резултати.

Македонската репрезентација од Швајцарија се враќа во Македонија, а по празничната пауза следуваат нови предизвици – меѓу кои учество на Светското првенство кое во февруари 2023 година ќе се одржи во Планица, Словенија.

Историја испиша и македонската сноубордерка Сања Спасовска на Светскиот куп во Cortina d’Ampezzo, каде за прв пат македонски натпреварувач влезе на листата топ 30 и освои бодови во сноуборд.