Македонка на Европскиот трон во Италија
Христијана Параулеска со златен медал на европското првенство во Таеквондо
![Христијана Параулеска со златен медал на европското првенство во Таеквондо Христијана Параулеска со златен медал на европското првенство во Таеквондо](https://maticanaiselenici.com/wp-content/uploads/2023/04/343655445_776648377404850_4454112528410390157_n-e1682420745546.jpg)
25.04.2023
Македонската репрезентативка во традиционално таеквондо, Христијана Парулеска од Охрид, освои златен медал на Европското првенство што се одржува во италијанското летувалиште Јесоло.
Државната првенка Парулеска во финалето во борба до 50 килограми ја совлада репрезентативката на Украина и се искачи на континенталниот трон. Ова е првпат во историјата македонската химна да се интонира на Европско првенство во традиционално таеквондо.
Парулеска пред два дена во силна конкуренција репрезентативци од 27 држави од контитентот освои и сребрен медал во категоријата борба со замислен противник.