Викендов се одржа конститутивна седница на Националниот совет на Македонците во Србија. На конститутивната седница на Националниот совет беа поделени уверенијата на 23 членови на Националниот совет избрани по пат на електронско собрание кое се одржа на 13 ноември 2022 година.

На конститутивната седница на Националниот совет на Македонците во Србија за претседател во наредниот четиригодишен мандат едногласно беше избран досегашниот претседател Борче Величковски.

Членовите на Националниот совет на Македонците во Србија ги поздрави и им посака успешна работа амбасадорката на Македонија во Белград.