На светскиот ден на поезијата во седиштето на УНЕСКО во Париз
Влада Урошевиќ добитник на “Златен венец“ на Струшките вечери на поезијата
![Влада Урошевиќ добитник на златен венец на Струшките вечери на поезијата Влада Урошевиќ добитник на златен венец на Струшките вечери на поезијата](https://maticanaiselenici.com/wp-content/uploads/2023/03/337263533_179762554975052_7081723371680605494_n-e1679397353939.jpg)
21.03.2023
Влада Урошевиќ е добитник на Златниот венец на Струшките вечери на поезијата за 2023. Веста е соопштена во седиштето на УНЕСКО во Париз, во рамките на чествувањето на 100-годишнината на творештвото и поезијата на Ацо Шопов, на Светскиот ден на поезијата.
Во седиштето на УНЕСКО во Париз, денеска започна програмата за чествување на 100-годишнината од раѓањето на великанот на македонската лирика, Ацо Шопов, што е дел од Календарот на важни меѓународни јубилеи поддржани од УНЕСКО.
Славејќи ги творештвото и поезијата на Ацо Шопов, на настанот ќе се одржи меѓународен симпозиум „Поезија, творештво, препев и оптек на делата на јазиците од помалите говорни подрачја“. Во рамките на програмата ќе се одржи и проекција на анимираниот филм „Грозомор“ работен според истоимената песна на Ацо Шопов, инспирирана од скопскиот земјотрес во 1963 година, како и поетскиот перформанс „Долго доаѓање на огнот“, а ќе биде отворена и изложба посветена на творечкиот пат на Ацо Шопов „Патот по кој чекорам“.